ស្នាមស្នេហ៍ដែលលប់មិនជ្រះ
ម៉ោងប្រមាណជា ១០យប់
មានសំលេងតិចៗចេញតាមមាត់បង្អួច នោះគឺសំលេងជជែកគ្នារវាងសង្សារមួយគូរ
ដែលខាងស្រីកំពុងតែសាក់រូបផ្កាយអោយមិត្តប្រុសរបស់គេ
ហើយការសាក់រូបផ្កាយនោះគឺជាការតំណាងក៏ដូចជាការសន្យារវាងពួកគេទាំងពីរ។
ថ្ងៃនេះបួនឆ្នាំមុនគឺជាថ្ងៃដែល Joey ចាប់ផ្ដើមធ្វើជាសង្សារជាមួយ Kim ហើយពួកគេបានសំរេចអោយ Joey សាក់រូបផ្កាយនៅលើដៃស្ដាំរបស់គេនៅថ្ងៃខួបរបស់ពួកគេហើយពេលណាដែលគេបានសាក់រូបផ្កាយចំនួនប្រាំ
មានន័យថាពេលដែលគេបានធ្វើជាសង្សារនឹងគ្នាគ្រប់ចំនួនប្រាំឆ្នាំ
នោះពួកគេនឹងរៀបការនឹងគ្នា។
យប់នេះជាឆ្នាំទីបួន
ដែលពួកគេបានស្រលាញ់គ្នា ហើយ Kim ក៏បានសាក់រូបផ្កាយទីបួនអោយ Joey។ បន្ទាប់មកពួកគេក៏មាន Small
Party ក៏ព្រោះតែថ្ងៃនេះក៏ជាថ្ងៃខួបកំណើតរបស់
Joey ផងដែរ។ Party នោះក្រៅពីពួកគេទាំងពីរនាក់ក៏មាន
មិត្តរបស់ Joey 2 3 នាក់ផងដែរលើសពីនោះទៅទៀត Kim ក៏បានហៅមិត្តចាស់ Jenny មកផងដែរ។ ពេលដែល Jenny ដើរចូលភ្លាមនាងនិង Joey ហាក់បីដូចជាចាប់អារម្មណ៍គ្នាតែក៏មិនមានអ្វីកើតឡើងធំដំនោះទេ។
តែបន្ទាប់ពីផឹកច្រើនបន្តិច Jenny ក៏បានដើរទៅបន្ទប់ទឹកហើយក៏វ៉ាក់អឺជាមួយ
Joey ដែលទើបតែចេញមក
ពួកគេទាំងពីបានមើលមុខគ្នាចំៗ ដោយបានចាប់អារម្មណ៍នឹងគ្នាពីដំបូង
ហើយស្រវឹងបន្តិចៗ Joey ក៏បានថើប Jenny ដោយនាងក៏បានពេញចិត្តនឹងគេផងដែរក៏បន្ដោយអោយគេថើបតាមសំរួល
បន្ទាប់មកក៏ចូលទៅក្នុងបន្ទប់ជាប់នោះ។ Kim ដើរមករកចូលបន្ទប់ទឹកក៏បានលឺសំលេងក៏បើទ្វារមើល
ហើក៏បានឃើញរឿងដ៏តក់ស្លត់
ទន់ជើងអង្គុយយំនោះមុខបន្ទប់នោះភ្លាមមួយរំពេច។
ព្រឹកថ្ងៃបន្ទាប់ពួកគេទាំងពីក៏បានដឹងថា
Kim ដឹងរឿងកាលពីយប់មិញហើយក៏ទៅជួបដើម្បីដោះស្រាយ,
Joey បានខំសុំទោសយ៉ាងខ្លាំង
ហើយ Jenny ក៏មិនហ៊ាននិយាយអ្វីដែរព្រោះដឹងខ្លួនខុស
តែ Kim ខឹងខ្លាំងក៏ព្រោះម្នាក់ជាមនុស្សដែលខ្លួនស្រលាញ់ខ្លាំងហើយម្នាក់ទៀតជាមិត្តសំលាញ់
តែចុងក្រោយ Kim ក៏សុខចិត្តដើរចេញដោយនិយាយត្រឹមពីបីម៉ាត់ចុងក្រោយថា
“ទៅនៅជាមួយគ្នាអោយបាត់ៗទៅ”។
Joey និង Jenny ចាប់ផ្ដើមនៅជាមួយគ្នា
ហើយ Kim ក៏បានឈប់ទាក់ទងពួកគេ។ ថ្វីបើJenny ជាអ្នកមកក្រោយតែគេបានស្រលាញ់ Joey ខ្លាំងហើយ Care ស្ទើរគ្រប់ពេលវេលា
ដែលមើលទៅហាក់បីដូចជា Joey កំពុងតែមានសេចក្ដីសុខយ៉ាងខ្លាំងអញ្ចឹង តែផ្ទុយទៅវិញ Joey នៅតែស្រលាញ់ Kim ហើយនឹកនាងជានិច្ច
លើសពីនោះទៅទៀតគ្រប់ពេលដែលគេបានឃើញរូបផ្កាយនៅលើដៃរបស់គេម្ដង
គេមានអារម្មណ៍ថាខុសយ៉ាងខ្លាំងហើយខឹងខ្លួនឯងយ៉ាងខ្លាំង
តែមានតែទ្រាំព្រោះដឹងថា Kim ក៏ខឹងខ្លាំងមិនចាញ់ការដែលគេនឹកខ្លាំងប៉ុន្មានទេ
ទើបមិនអាចត្រលប់ក្រោយបាន មានតែខំធ្វើល្អជាមួយអ្នកថ្មី។
…មួយឆ្នាំកន្លងផុតទៅ…
Joey ត្រលប់មកពីខាងក្រៅវិញឃើញមានគូររង្វង់លើប្រតិទិន
ក៍ចាំបានថាថ្ងៃនេះជាថ្ងៃកំណើតរបស់ខ្លួន
ហើយក៏ចាំរឿងដែលបានកើតឡើងថ្ងៃនេះកាលពីឆ្នាំមុនផងដែរ
ពេលនោះគេមានអារម្មណ៍កើតទុកយ៉ាងខ្លាំង ស្រាប់តែទទួលបាន SMS គឺជា SMS របស់ Kim “រីករាយថ្ងៃកំណើត
ស្រលាញ់មិត្តខ្ញុំអោយបានល្អណា៎” ក្រោយពេលអាន SMS ហើយ Joey មានអារម្មណ៍កាន់តែមិនស្រួល
អារម្មណ៍ស្ដាយក្រោយ អារម្មណ៍ខុស អារម្មណ៍ខឹងខ្លួនឯង
ពេលដែលឃើញរូបសាក់នៅលើដៃ គេក៏បានគិតថា “គ្រប់ពេលឃើញវាទើបធ្វើអោយយើងមានអារម្មណ៍បែបនេះ
ហើយទោះបីលប់ចេញក៏នៅសល់ស្នាមដែរ”
ពោលគឺគេគិតច្បាស់ក្នុងចិត្តហើយថាគេមិនអាចឈប់ស្រលាញ់ Kim បានដូចដែលគេមិនអាចលុបសាក់បានអញ្ចឹង
គេក៏ស្ទុះរត់ចេញក្រៅ ទៅរក Kim។
ពេលដែល Joey កំពុងធ្វើដំណើរមករក Kim ពេលនោះ Jenny បានមកដល់មុនហើយ
ក្នុងគោលបំណងសុំទោស៖
Jenny:
Kim…
Kim: អឺ...?
Jenny: អោយគ្នាសុំទោសរឿងកាលពីឆ្នាំមុនផងណា...
យ៉ាងណាក៏យើងជាមិត្តនឹងគ្នាដែរមែនទេ...?
Kim: អឺ... សុំទោសស្អី... បើខឹង...
ក៏ខឹងហួសយូរមកហើយ... :-)
Jenny: អគុណណាសំលាញ់...
តើអាចជួយរឿងមួយបានទេ?
Kim: រឿងអី?
Jenny: គឺគ្នាចង់សាក់ហ្នឹងណា :-)
Kim: អ... ចូលក្នុងទៅចឹង...
បន្ទាប់ពីសាក់ហើយ Kim សុំចេញទៅក្រៅបន្តិច ហើយពេលនោះ Joey ក៏បានមកដល់ល្មមហើយស្ទុះរត់ទៅកាន់បន្ទប់សាក់របស់
Kim យ៉ាងលឿនពេលដែលរត់ទៅដល់ភ្លាមក៏ចាប់បើកទ្វារហើយនិយាយទាំងមិនបានមើល៖
Joey: Kim!
អោយបងសុំទោស!
បងដឹងថាបងខុស តែបងពិតជាមិនអាចភ្លេចអូនបាន
ហើយរឹតតែមិនអាចឈប់ស្រលាញ់អូនបានទៀត រៀបការជាមួយបងបានទេ?
ពេលនោះ Kim បានដើរមកវិញល្មមហើយបានត្រឹមភ្លាត់មាត់
"អឺ..."
Joey ក៏ងាកទៅឃើញ Kim នៅខាងក្រៅបន្ទប់ហើយងាកចូលទៅក្នុងបន្ទប់ក៏ឃើញ Jenny ជាមួយទឹកមុខបែបតក់ស្លត់
រកយំបន្តិច អត់បន្តិច អោនមុខចុះ Joey មើលតាមក៏ឃើញឈ្មោះរបស់ខ្លួននោះលើស្មាររបស់
Jenny មិនបាច់និយាយក៏គេអាចស្មានដឹងថាបើគេត្រលប់ទៅរក
Kim វិញ Jenny នឹងត្រូវរងទុក្ខដូចដែលគេធ្លាប់ជួបរយៈពេលមួយឆ្នាំកន្លងមកនេះ...
ស្នាមសាក់គ្រាន់តែជាឧទាហរណ៍មួយប៉ុណ្ណោះ
ព្រោះតែសាក់មិនអាចលុបអោយស្អាតដូចដើមបាន
ចិត្តស្រលាញ់មនុស្សម្នាក់ក៏ដូចគ្នាអញ្ចឹង
មិនអាចបំភ្លេចបានដូចដើមនោះទេ...
មកដល់ចំនុចនេះ និយាយលេងចេញទាំងបី
Kim នៅតែស្រលាញ Joey ហើយគាត់ក៏នៅស្រលាញ់នាង តែ Jenny ជាមិត្តល្អរបស់ Kim ហើយក៏ស្រលាញ់ Joey ខ្លាំងដូចគ្នា...
សំរេចមិនចេញទេទុកអោយអ្នកអានជួយ Comment ចុះ...
ចប់
