របួសថ្មី លើដំបៅចាស់
Vin ជា Freeland Photographer ដែលកំពុងមានប្រជាប្រិយភាពបន្ទាប់ពីគេបានផ្លាស់ចូលមកនៅតំបន់នេះតាមការណែនាំរបស់មិត្តគេ។
តែការផ្លាស់មកនៅទីនេះក៏មិនមែនព្រោះតែមុខរបរនេះតែម្យ៉ាងនោះទេ
គឺព្រោះតែគេមិនអាចទ្រាំនោះកន្លែងចាស់មិនបាន
ត្រូវទ្រាំឃើញមនុស្សស្រីដែលគេស្រលាញ់នៅកៀកកើយជាមួយមិត្តប្រុសថ្មី
ត្រូវគេចគេដូចអ្នកទោសព្រោះមិនចង់អោយគេថារំខាន ទោះបីជាការពិតទៅគេជាអ្នករងគ្រោះដោយសារតែម្នាក់ស្រីនោះជាអ្នកក្បត់មានថ្មីហើយសុំគេបែកសោះ។
ទោះបីជាបានផ្លាស់មកនៅកន្លែងថ្មីមួយរយៈវែងគួរសមហើយក៏
Vin នៅតែចាំរឿងរ៉ាវទាំងឡាយដែលបានកើតឡើង
ចាំគ្រប់ពេលវាលាសប្បាយៗ
ហើយចាំច្បាស់ជាងគេគឺពេលដែលស្រីម្នាក់នោះបានសុំគេបែក និង
រូបភាពដែលគេបាននៅកៀកកើយជាមួយសង្សារថ្មីបានធ្វើអោយ Photographer
កំសត់យើងឈឺស្ទើរក្ស័យមួយសារៗ
មានពេលខ្លះដល់ថ្នាក់គេងយល់សប្តក៏មានផងដែរ។
ថ្ងៃនេះ Vin មិនមាន Project
អ្វីទេក៏នៅបន្ទប់ជួលសំរាក់លំហែ
និង Check Facebook លេង
ស្រាប់តែមានមិត្តម្នាក់ Call មកថាមាន Project របស់ហាងសំលៀកបំពាក់មួយ តែត្រូវការ Model មុខថ្មី
ដូច្នេះមិត្តរបស់គេក៏បានអោយឈ្មោះមួយចំនួនអោយមើលតាម Vin សាកមើលរូបតាម Facebook
មុននឹងទាក់ទងហៅមកថត។
ពេលដែល Vin កំពុង Check មើលរូបភាពរបស់ឈ្មោះដែលបានអោយទាំងនោះ
ចៃដន្យក៏បានឃើញ Profile របស់មនុស្សស្រីម្នាក់នោះ
ហើយក៏ចូលទៅមើលដោយចិត្តមិនទាន់អស់អាល័យ មួយ Click ដែលបានចុចចូលទៅកាន់ Profile
របស់គេប្រៀបបានដូចជាចាក់ខ្លួនឯងមួយកំបិតចំកណ្ដាលដើមទ្រួងអញ្ចឹង
ព្រោះបានឃើញ Relationship Status របស់គេ Married ហើយនិងរូបភាពស្និតស្នាលរបស់គេជាមួយនឹងសង្សារថ្មីជាច្រើនទៀត។
ទន់ដៃទន់ជើងរកធ្វើអ្វីមិនត្រូវ Vin ក៏បិត Computer ហើយចេញទៅក្រៅបាត់ទៅ។
បន្ទាប់ពីដើរថតរូបលេងខាងក្រៅអស់មួយព្រឹក
Vin ក៏ដូចជាស្រស់ស្រាយលើងវិញ
ហើយពេលដែលដើរមកដល់មុខបន្ទប់វិញភ្លាមក៏បានឃើញឥវ៉ាន់នោះមុខបន្ទប់ជាប់នោះ
មើលទៅ Vin មានអ្នកជិតខាងថ្មីហើយ
តែពេលដែលកំពុងញញឹមស្រាប់តែឃើញម្ចាស់ឥវ៉ាន់ទាំងនោះងើបឡើង គឺ Boo សង្សារចាស់របស់ Vin ហើយមកជាមួយសង្សារថ្មីរបស់គេគឺ Dan។
ស្នាមញញឹមក៏ប្រែស្រពោនមួយរំពេច ហើយ Boo ក៏មានទឹកមុខមិនល្អដែរ Vin ក៏ប្រញ៉ាប់ចូលក្នុងបន្ទប់បាត់ទៅ។
ប្រាស់ខ្លួនលើគ្រែបែបមនុស្សគ្មានវិញ្ញាន រូបភាពឈឹចាប់ទាំងឡាយក៏ចេះតែលេចចេញឡើងអោយឃើញទោះខំប្រឹងបិតភ្នែកក៏ដោយ
ពេលនេះហើយដែល Vin បានយល់នូវពាក្យដែលគេនិយាយថា មនុស្សប្រុសរឹងមាំប៉ុណ្ណាតែក៏គង់តែស្រក់ទឹកភ្នែក។
មិននឹកស្មានថាលើលោកនេះចង្អៀតដល់ថ្នាក់ហ្នឹង
មិនបានប៉ុន្មានម៉ោងផងបន្ទាប់ពីមើល Facebook ស្រាប់តែជួបផ្ទាល់តែម្ដង
វាចៃដន្យហួសពេកហើយ។
ក្ដីសង្ឃឹមដែលធ្លាប់មានមកពីមុនថានឹងរួចផុតពីការឈឺចាប់
តែឥឡូវវាបានរត់មករកវិញទាល់តែបាន។
កន្លែងដែលធ្លាប់តែគិតថាស្ងប់ស្ងាត់ត្រូវបានប្រែក្លាយទៅដូចជានរកទៅវិញ មនុស្សប្រុសរស់រាយម្នាក់បានក្លាយទៅជាមនុស្សមិនមែនមនុស្សខ្មោចមិនមែនខ្មោច
ដើរបែបមនុស្សគ្មានវិញ្ញាននៅក្នុងខ្លួនព្រោះទៅទីណាក៏ត្រូវជួបពួកគេទាំងពីរដែរ។
ខំទៅមើលកុនដើម្បីបន្លប់ទុក្ខតែបែរជាជួបពួកគេ... ឡើងអង្កុយលើដំបូលអគាផឹកម្នាក់ឯងស្រាប់តែឃើញពួកគេកំពុងតែអោបគ្នាមានក្ដីសុខ...
សំងំធ្វើការក្នុងបន្ទប់មិនចង់ឃើញទៀតតែក៏ត្រូវទ្រាំនឹងសំលេងប្រលែងគ្នាបែបផ្អែមល្ហែមទៀត
តើត្រូវអោយមនុស្សប្រុសម្នាក់នេះទ្រាំរស់បែបណាទៅ?
តែទោះឈឺយ៉ាងណាក៏មិនហ៊ានស្អប់ព្រោះចិត្តដែលធ្លាប់ស្នេហ៍វាមានខ្លាំង
គ្រប់ពេលដែលជួបមុខត្រូវទ្រាំបង្ខំចិត្តញញឹមទាំងឈឺចាប់តែបើគេចវាក៏ដូចជាមិនសូវសម
ដូច្នេះមានតែទ្រាំធ្វើទាំងបង្ខំ។
មិនមែនគ្រប់ពេលសុទ្ធតែមានក្ដីសុខនោះទេ
ពេលខ្លះ Boo ក៏បានឈ្លោះជាមួយ
Dan ផងដែរ
ហើយគ្រប់ពេលដែលបានលឺសំលេងឈ្លោះគ្នា ដោយចិត្តបារម្មណ៍ធ្វើអោយ Vin ស្ទើរទ្រាំមិនបានចូលទៅជួយ
តែក៏នៅចាំបានថាខ្លួនគ្រាន់តែជាអ្នកចាស់
មិនមានសិទ្ធអ្វីនឹងលូកដៃបានទេក៏បានត្រឹមតែទ្រាំឈឺថែមមួយកំរិតទៀតតែប៉ុណ្ណោះ។
ថ្ងៃមួយការឈ្លោះប្រកែកគ្នាបានលឺសំលេងខ្លាំងជាងរាល់ដង
ដល់ថ្នាក់មានសំលេងបោកប្រាប់ផ្សេងៗ លើសពីនោះទៅទៀតមានសំលេងយំរបស់ Boo ទៀតផង Vin ទ្រាំលេងបានក៏ស្ទោះមករកបើទ្វារទៅឃាត់
តែក៏បានលឺសំលេង បើកទ្វារមុនគឺ Dan បានដើរចេញទៅ ហើយ Boo កំពុងយំនៅមុខបន្ទប់ បន្ទាប់មកក៏លឺសំលេងគោះទ្វារបន្ទប់របស់ខ្លួន
Vin បើកមកឃើញ Boo កំពុងឈរជាមួយនិងទឹកភ្នែក
នាងក៍ស្ទុះមកអោបហើយ Vin
ក៏បានអោបវិញបែបលួងលោម ហើយក៏លឺសំលេងរបស់ Boo “សុំបានទេ?” ក្នុងសភាពបែបនោះធ្វើអោយ Vin បានគិតថាប្រហែលជានាងទ្រាំលែងបានជាមួយនឹងការឈ្លោះគ្នាជាមួយ
Dan ហើយគិតថាប្រហែលជានាងចង់ត្រលប់មកវិញ
ដោយចិត្តដែលនៅតែស្រលាញ់បានប្រាប់ Vin ថាត្រូវតែទទួលយកនាងមកវិញ។ Vin ក៏បានអោយនាងខ្លាំងជាងមុនជាមួយនឹងស្នាមញញឹមពោពេញទៅដោយក្ដីសង្ឃឹម
តែអ្វីៗមិនដូចដែល Vin បានគិតនោះទេបន្ទាប់ពី
Boo បាននិយាយបន្តរ
Boo: សុំអោយអ្នកដើរចេញអោយឆ្ងាយពីជីវិតរបស់ពួកយើងបានទេ?
ឈប់តាមរំខានពួកយើងទៀតតើបានទេ? ចាប់តាំងពីថ្ងៃដំបូងដែលខ្ញុំបានឃើញអ្នកគឺជាថ្ងៃដែលពួកយើងចាប់ផ្ដើមបាត់បង់សេចក្ដីសុខ។
សុំមែនណា... (សំលេងយំ)។
Boo បានរុញ Vin ចេញ ហើយ Vin
ក៏បានប្រែទឹកមុខអន់ចិត្តខ្លាំងបំផុតហើយ នាងក៏ដើរចេញទៅ។ អ្នកគ្រប់គ្នាប្រហែលជាគិតថា
Vin កំពុងតែខឹងតើមែនទេ?
តែការពិតទៅ Vin កំពុងមានអារម្មណ៍ឈឺចាប់យ៉ាងខ្លាំង
ហើយក៏មានអារម្មណ៍ថាខ្លួនឯងខុសដែលធ្វើអោយគេទាំងពីឈ្លោះគ្នា
ព្រឹកបន្ទាប់ក៏បានរៀបឥវ៉ាន់ចេញពីបន្ទប់នោះទៅ
តែបន្សល់ទុកក្រដាស់មួយសន្លឹកសរសេរថា “ព្រមចេញ...តែការពិតទៅតើអ្នកណារំខានអ្នកណា” បិទចោលនៅមុខបន្ទប់។
តើអ្នកគិតថា Vin ធ្វើត្រូវទេ? តើ Vin គួរតែធ្វើបែបណាបើអ្នកគិតថាការធ្វើនេះមិនត្រឹមត្រូវ?
ចប់
